புதுப்பாளையத்தில் டூவீலரில் சென்றவரின் வாகனம் கட்டுப்பாட்டை இழந்து கீழே விழுந்து விபத்து. வாலிபர் உயிரிழப்பு.

புதுப்பாளையத்தில் டூவீலரில் சென்றவரின் வாகனம் கட்டுப்பாட்டை இழந்து கீழே விழுந்து விபத்து. வாலிபர் உயிரிழப்பு. கரூர் மாவட்டம் வாங்கல் குப்பிச்சிபாளையம் மாரியம்மன் கோவில் தெருவை சேர்ந்தவர் மணிகண்டன் வயது 32 .இவரது தந்தை சங்கர் வயது 58 ஆகியோர், அவர்களது டூவீலரில் ஆகஸ்ட் 18ஆம் தேதி மாலை 5:30- மணி அளவில், கரூர் - வாங்கல் சாலையில் சென்று கொண்டு இருந்தனர். இவர்கள் சென்ற வாகனம் புதுப்பாளையம் பிரிவு அருகே சென்றபோது, டூவீலரை வேகமாக இயக்கியதால், வாகனம் கட்டுப்பாட்டை இழந்து கீழே விழுந்து விபத்து ஏற்பட்டது. இந்த விபத்தில் பின்னால் அமர்ந்து சென்ற சங்கருக்கு பலத்த காயம் ஏற்பட்டு மதுரை ராஜாஜி மருத்துவமனையில் சிகிச்சைக்காக அனுமதித்தனர். அதே சமயம் டூ வீலரை ஓட்டிச் சென்ற மணிகண்டனுக்கு தலை,முகம், இடது காலில் பலத்த காயம் ஏற்பட்டவரை மீட்டு, சிகிச்சைக்காக கரூர் அரசு மருத்துவக் கல்லூரி மருத்துவமனைக்கு கொண்டு சென்றனர். அங்கு மணிகண்டனை பரிசோதித்த மருத்துவர்கள் மணிகண்டன் உயிரிழந்து விட்டதாக தெரிவித்தனர். இந்த சம்பவம் அறிந்த மணிகண்டனின் தாயார் சரஸ்வதி வயது 56 என்பவர் அளித்த புகாரின் பேரில், சம்பவ இடத்துக்கு சென்று விசாரணை மேற்கொண்ட காவல்துறையினர், உயிரிழந்த மணிகண்டனின் உடலை உடற்கூறு ஆய்வுக்கு, கரூர் அரசு மருத்துவக் கல்லூரி மருத்துவமனை சவக்கிடங்குக்கு அனுப்பி வைத்து, இது தொடர்பாக வழக்கு பதிவு செய்துள்ளனர் வாங்கல் காவல்துறையினர்.