சிட்கோ அருகே நடந்து சென்ற வட மாநில இளைஞர் மீது அடையாளம் தெரியாத டூவீலர் மோதி விபத்து.

சிட்கோ அருகே நடந்து சென்ற வட மாநில இளைஞர் மீது அடையாளம் தெரியாத டூவீலர் மோதி விபத்து. மேற்கு வங்காளத்தை சேர்ந்த பிரோதம்நாத் மகன் கிருஷ்ண பத்தநாத் வயது 20. இவர் தற்போது கரூரை அடுத்த வெண்ணமலை, ஏஜிபி பில்லாமன் பகுதியில் வசித்து வருகிறார். இந்நிலையில் ஆகஸ்ட் 17ஆம் தேதி இரவு 7 மணி அளவில், கரூர்-சேலம் சாலையில் உள்ள சிட்கோ தொழிற்பேட்டை அருகே செயல்படும் அம்சா கொசுவலை நிறுவனம் அருகே நடந்து சென்று கொண்டிருந்தார். அப்போது அந்த வழியாக வந்த ஒரு அடையாளம் தெரியாத ஒருவர் ஓட்டி வந்த டூவீலர், நடந்து சென்ற கிருஷ்ண பத்தநாத் மீது மோதிவிட்டு, நிற்காமல் மின்னல் வேகத்தில் சென்று விட்டது. இந்த விபத்தில் வலது கால், வலது கண் புருவம், இடது கை முட்டி உள்ளிட்ட பகுதிகளில் பலத்த காயம் அடைந்த கிருஷ்ண பக்தநாத்தை மீட்டு, தனியார் ஆம்புலன்ஸ் மூலம் திருச்சி அரசு மருத்துவமனையில் சிகிச்சைக்காக அனுமதித்தனர்.. இந்த சம்பவம் அறிந்த கிருஷ்ண பக்தநாத் அண்ணன் ராகேஷ் நாத் வயது 23 என்பவர் அளித்த புகாரின் பேரில், சம்பவ இடத்துக்கு சென்று விசாரணை மேற்கொண்ட காவல்துறையினர், இது தொடர்பாக மோதிவிட்டு நிற்காமல் சென்ற வாகனம் எது? அந்த வாகனத்தை ஓட்டிய நபர் யார்? என்ற கோணத்தில் வழக்கு பதிவு செய்து விசாரணை மேற்கொண்டு வருகின்றனர் வாங்கல் காவல்துறையினர்.