கரூர் சேகர் அண்ட் கோ கடை எதிரே பணியில் இருந்த SSI மீது தனியார் பேருந்து மோதி விபத்து.

கரூர் சேகர் அண்ட் கோ கடை எதிரே பணியில் இருந்த SSI மீது தனியார் பேருந்து மோதி விபத்து. கரூர் மாநகர காவல் நிலையத்தில் சிறப்பு காவல் உதவி ஆய்வாளராக பணியாற்றி வருபவர் சதீஷ்குமார் வயது 56. இவர் நவம்பர் 16ஆம் தேதி நள்ளிரவு 12.30 மணி அளவில், கரூர் - கோவை சாலையில் உள்ள சேகர் அண்ட் கோ கடை எதிரே தனது டூவீலரில் சென்றவாறு பணியில் இருந்தார். அப்போது, அதே சாலையில் கரூர் மாவட்டம், அரவக்குறிச்சி, ஆண்டிப்பட்டி கோட்டை, காந்தி நகரை சேர்ந்த ஆனந்தன் வயது 26 என்பவர் வேகமாக ஓட்டி வந்த தனியார் பேருந்து, பணியில் இருந்த சிறப்பு காவல் உதவி ஆய்வாளர் சதீஷ்குமார் மீது மோதி விபத்து ஏற்பட்டது. இந்த விபத்தில் சதீஷ்குமாருக்கு இடது காலில் பலத்த காயம் ஏற்பட்டதால், உடனடியாக அவரை மீட்டு கரூர் அமராவதி மருத்துவமனையில் சிகிச்சைக்காக அனுமதித்தனர். இச்சம்பவம் குறித்து சதீஷ்குமார் அளித்த புகாரின் பேரில், சம்பவ இடத்துக்கு வந்த காவல்துறையினர், இது தொடர்பாக பேருந்தை கவனக்குறைவாகவும், வேகமாகவும் ஓட்டி, விபத்து ஏற்படுத்திய ஆனந்தன் மீது வழக்கு பதிவு செய்துள்ளனர் கரூர் மாநகர காவல் துறையினர்.