மக்களவைத் தேர்தலுக்கான பிரச்சாரத்தை தொடங்குகிறார் முதல்வர் அரவிந்த் கெஜ்ரிவால் : டெல்லியில் நடைபெறும் வாகன பேரணியில் பங்கேற்கிறார்!!

பிரச்சாரம் மேற்கொள்ளும் முன்பு, இன்று காலை 11.30 மணி அளவில் டெல்லியில் உள்ள ஆஞ்சநேயர் கோயிலுக்கு கெஜ்ரிவால் செல்கிறார். பிற்பகல் 1 மணி அளவில் ஆம் ஆத்மி கட்சி அலுவலகத்தில் செய்தியாளர்களை கெஜ்ரிவால் சந்திக்கிறார். தொடர்ந்து, மாலை 5.30 மணிக்கு தெற்கு டெல்லியில் நடைபெறும் ரோடு ஷோவில் கெஜ்ரிவால் பங்கேற்று தேர்தல் பிரச்சாரம் மேற்கொள்கிறார். தெற்கு டெல்லியில் நடைபெற உள்ள வாகன பேரணியில் பஞ்சாப் முதலமைச்சர் பகவந்த் மான் கலந்து கொள்கிறார். தொடர்ந்து 4 கட்ட தேர்தல்களிலும் பரப்புரையை மேற்கொள்ள அரவிந்த் கெஜ்ரிவால் திட்டமிட்டுள்ளார்.