2025 நின்ஜா ZX 4RR மாடலை அறிமுகம் செய்த கவாசகி நிறுவனம் !!

கவாசகி நிறுவனத்தின் 2025 நின்ஜா ZX 4RR மோட்டார்சைக்கிள் சர்வதேச சந்தையில் அறிமுகம் செய்யப்பட்ட நிலையில், தற்போது இந்தியாவிலும் வெளியிடப்பட்டது. புதிய நின்ஜா ZX 4RR மாடலின் விலை ரூ. 9 லட்சத்து 42 ஆயிரம், எக்ஸ்-ஷோரூம் என துவங்குகிறது.

2025 நின்ஜா ZX 4RR மாடல்- கிரீன்,எபோனி, பிலிசர்டு வைட் என புதிய நிறங்களில் கிடைக்கிறது. புதிய நிறங்கள் தவிர இந்த மாடலில் வேறு எந்த மாற்றமும் இல்லை. இந்த பைக்கின் விலை 2024 வெர்ஷனை விட ரூ. 32 ஆயிரம் வரை அதிகம் ஆகும்.

கவாசகி நின்ஜா ZX 4RR மாடலில் 399 சிசி, லிக்விட் கூல்டு, இன்லைன் 4-சிலிண்டர் எஞ்சின் வழங்கப்பட்டு இருக்கிறது. இந்த யூனிட் 77 ஹெச்.பி. பவர், 39 நியூட்டன் மீட்டர் டார்க் இழுவிசையை வெளிப்படுத்தும் திறனை பெற்றுள்ளது.

இத்துடன் 6 ஸ்பீடு கியர்பாக்ஸ் வழங்கப்படுகிறது. ஸ்டைலிங்கை பொருத்தவரை கூர்மையான ஃபேரிங், டுவின் எல்இடி ஹெட்லைட்கள் வழங்கப்படுகின்றன.

2025 கவாசகி நின்ஜா ZX 4RR மாடல் குறைந்த எண்ணிக்கையிலேயே விற்பனைக்கு வருகிறது. இந்த மாடலுக்கான முன்பதிவுகள் ஏற்கனவே துவங்கி நடைபெற்று வருகிறது.