துபாய் வருகை புரிந்த பஹ்ரைன் சமூக ஆர்வலருக்கு வரவேற்பு

துபாய் நகருக்கு வருகை புரிந்த பஹ்ரைன் நாட்டின் லைட்ஸ் ஆஃப் கைண்ட்னெஸ் சமூக உதவி அமைப்பின் நிறுவனர் தக்கலை செய்யது ஹனீஃப்பிற்கு துபாய் சர்வதேச விமான நிலையத்தில் உற்சாக வரவேற்பு அளிக்கப்பட்டது.

இந்த வரவேற்பில் ஊடகவியலாளர் முதுவை ஹிதாயத், திருச்சி ஜமால் முஹம்மது கல்லூரி முன்னாள் மாணவர் சங்க பொதுச் செயலாளர் திண்டுக்கல் ஜமால் முஹைதீன் உள்ளிட்டோர் பங்கேற்றனர்.

அப்போது பேசிய செய்யது ஹனீஃப், துபாய் நகருக்கு 30 ஆண்டுகளுக்கு பின்னர் வருவது மகிழ்ச்சியளிக்கிறது. துபாய் நகரில் வசித்து வரும் சமூக ஆர்வலர்கள் தனது பணிகளுக்கு முன்னுதாரணமாக திகழ்ந்து வருகின்றனர் என்றார்.

அமீரகத்தில் நடைபெறும் இந்திய சுதந்திர தின விழா, ரத்ததான முகாம் உள்ளிட்ட பல்வேறு நிகழ்ச்சிகளில் அவர் பங்கேற்கிறார்.