கனமழை: கல்லூரிகளுக்கும் விடுமுறை - ஆட்சியர் உத்தரவு

தமிழகத்தின் பல்வேறு பகுதிகளில் முக்கியமாக தென் மாவட்டங்களில் கடந்த 24 மணி நேரமாக கனமழை கொட்டி தீர்த்து வருவதன் காரணமாக பல்வேறு மாவட்டங்களில் விடுமுறை அறிவிக்கப்பட்டு வருகிறது. அதன்படி விருதுநகர் மாவட்டத்தில் நேற்று முதல் பல்வேறு பகுதிகளின் கனமழை கொட்டி தீர்த்து வருகிறது. விருதுநகர் மாவட்டத்தில் கடந்த 24 மணி நேரத்தில் 651 மில்லி மீட்டர் மழை பதிவாகியுள்ள நிலையில் விருதுநகர் மாவட்டத்திற்கு மஞ்சள் எச்சரிக்கை விடுக்கப்பட்டுள்ளது. இதன் காரணமாக மாவட்ட ஆட்சித்தலைவர் ஜெயசீலன் நேற்று இரவு பள்ளிகளுக்கு மட்டும் விடுமுறை என அறிவித்திருந்தார். அதை தொடர்ந்து தற்போது தொடர்ந்து விருதுநகர் மாவட்டத்தின் பல்வேறு பகுதிகளில் மழை பெய்து வருவதன் காரணமாக கல்லூரிகளுக்கும் விடுமுறை என அறிவிக்கப்பட்டுள்ளது.