கட்டுப்பாட்டை இழந்த கார் பள்ளத்தில் கவிழ்ந்து விபத்து.

கரூரில் இருந்து TN32 BA 0864 என்ற எண் கொண்ட காரில் இருவர் பயணித்துள்ளனர். இவர்கள் மதுரை நோக்கி சென்று கொண்டு இருந்தனர். இவர்களது கார், கரூர் மாவட்டம், அரவக்குறிச்சி, இந்திரா நகர் அருகே சற்று முன் சென்ற போது, திடீரென கார் கட்டுப்பாட்டை இழந்து, சாலையோர பள்ளத்தில் இறங்கி, கவிழ்ந்து, விபத்துக்கு உண்டானது. இந்த காரில் பயணித்த இருவருக்கும் படுகாயம் ஏற்பட்டதால், உடனடியாக அப்பகுதி பொதுமக்கள் அவர்களை மீட்டு, தனியார் ஆம்புலன்ஸ் மூலம் கரூரில் உள்ள மருத்துவமனைக்கு சிகிச்சைக்காக அனுப்பி வைத்தனர். இந்த சம்பவம் அறிந்த அரவக்குறிச்சி காவல்துறையினர், சம்பவ இடத்தில், சம்பவம் குறித்தும், காரில் பயணித்தவர்கள் குறித்தும் விசாரணை மேற்கொண்டு வருகின்றனர். இதனால் அப்பகுதியில் பரபரப்பு ஏற்பட்டுள்ளது.