மலையாள நடிகர் மோகன்லால் 64வது பிறந்தநாளில் வெளியிட்ட போஸ்டர் வைரல் !!

மலையாள சினிமாவின் சூப்பர் ஸ்டார் ஆன மோகன்லால் இன்று அவரது 64 வது பிறந்த நாளை கொண்டாடுகிறார். இதுவரை அவர் 360 படங்களில் நடித்துள்ளார் என்பது குறிப்பிடத்தக்கது. இவர் சில மாதங்களுக்கு முன் லிஜொ ஜோஸ் இயக்கத்தில் மலைக்கோட்டை வாலிபன் படத்தில் நடித்தார். இப்படம் எதிர்பார்த்த அளவு மக்களிடம் வரவேற்பு இல்லை. அவர் அடுத்ததாக எம்புரான் பரோஸ், கண்ணப்பா,விருஷபா, மோகன் லால் 360 திரைப்படங்களில் நடித்து வருகிறார். எம்புரான் திரைப்படத்தை நடிகர் பிரித்திவிராஜ் இயக்குகிறார். இதற்கு முன் மோகன்லால் நடித்த லூசிபர் திரைப்படத்தை பிரித்திவிராஜ் இயக்கினார். லூசி திரைப்படம் மிகப்பெரிய வெற்றியடைந்தது. அதை தொடர்ந்து மீண்டும் மோகன் லால் நடிப்பில் எம்புரான் படத்தை இயக்கிவருகிறார் பிரித்விராஜ். இது லூசிபரின் இரண்டாம் பாகமாக உருவாக்கி வருகிறது. தற்போது திருவனந்தபுரத்தில் படப்பிடிப்ப பணிகள் நடைபெற்று வருகிறது. மோகன் லாலின் பிறந்த நாளை முன்னிட்டு படக் குழுவினர் புது போஸ்டர் வெளியிட்டுள்ளன. இப்படம் தமிழ் ,தெலுங்கு, மலையாளம், ஹிந்தி மொழிகளில் வெளியாக உள்ளது. படத்திற்கு ரசிகர்களிடம் மிகப்பெரிய எதிர்பார்ப்பை உருவாக்கியுள்ளது.