இயக்குனர் பாலாவின் வணங்கான் ஜூலையில் வெளியீடு.

பாலா இயக்கத்தில் அருண் விஜய் நடித்துள்ள ‘வணங்கான்’ திரைப்படம் வரும் ஜூலை மாதம் வெளியாகும் என படத்தின் தயாரிப்பாளர் சுரேஷ் காமாட்சி அறிவித்துள்ளார். அருண் விஜய்க்கு ஜோடியாக ரோஷினி பிரகாஷ் நடித்துள்ளார். மிஷ்கின், சமுத்திரக்கனி முக்கிய கதாபாத்திரங்களில் நடித்துள்ளனர். ஜி.வி.பிரகாஷ் இசையமைத்துள்ளார். படத்தை சுரேஷ் காமாட்சி தயாரித்துள்ளார். அண்மையில் வெளியான இப்படத்தின் டீசரில் அருண்விஜய் ஒரு கையில் பெரியார் சிலையும், மறு கையில் பிள்ளையார் சிலையும் வைத்திருந்தார். தற்போது வணங்கான் படம் ஜூலையில் வெளியாகும் என்று தெரிவிக்கப்பட்டு இருக்கக்கூடிய நிலையில் தேதி எதுவும் குறிப்பிடப்படவில்லை.