ப்ரீ புக்கிங்கில் வசூல் சாதனை படைக்கும் கங்குவா - எத்தனை லட்சம் தெரியுமா ???

தமிழில் முன்னணி நடிகர்களில் ஒருவராக இருப்பவர் நடிகர் சூர்யா. இவர் தற்போது 43வது படமான கங்குவாவில் நடித்துள்ளார். சிறுத்தை சிவா முதன்முறையாக சூர்யாவுடன் கூட்டணி அமைத்து இயக்கியுள்ள படம் கங்குவா.

ஸ்டூடியோ க்ரீன் ஞானவேல் ராஜா தயாரிப்பில் தேவி ஸ்ரீ பிரசாத் இசையில் உருவாகியுள்ள படம் மூலம் தமிழ் சினிமாவில் அறிமுகமாக உள்ளார் பாலிவுட் நடிகை திஷா பதானி.

தமிழ் சினிமாவின் முதல் பான் இந்திய படம் என்ற பெருமையை பெற்றுள்ள இப்படம் அக்., 10ம் தேதி வெளியாகும் என அறிவிக்கப்பட்டது. ஆனால், அதே தினத்தில் சூப்பர் ஸ்டார் ரஜினி நடித்த வேட்டையன் படம் வெளியாக இருப்பதால், கங்குவா படக்குழு, நவம்பர் 14ம் தேதி படத்தை தள்ளி வைத்தது.

படத்திற்கான வியாபாரம், புரொமோஷன் எல்லாம் மாஸாக நடக்கிறது. மும்பை, ஹைதராபாத், சென்னை என படக்குழு மாறி மாறி படத்திற்கான புரொமோஷன் வேலைகளை செய்து வருகின்றனர்.

இந்த நிலையில் இப்படம் USA ப்ரீ புக்கிங்கில் இதுவரை ரூ. 47 லட்சம் வரை வசூலித்துள்ளதாக கூறப்படுகிறது.