சூர்யாவின் 44- வது திரைப்படத்தின் ரிலீஸ் தேதி குறித்து தகவல் !!

பிரபல இயக்குனர் கார்த்திக் சுப்பராஜ் சூர்யாவின் 44- வது திரைப்படத்தை இயக்கியுள்ளார். இந்த படத்தை சூர்யாவின் 2டி மற்றும் காரத்திக் சுப்பராஜின் ஸ்டோன் பென்ச் நிறுவனங்கள் இணைந்து தயாரித்துள்ளது.

இப்படத்திற்கு சந்தோஷ் நாராயணன் இசையமைக்கிறார். படத்தில் சூர்யா இரட்டை வேடங்களில் நடித்துள்ளதாக தகவல் வெளியாகியுள்ளது.

இப்படத்தில் பூஜா ஹெக்டே கதாநாயகியாக நடித்துள்ளார். ஜோஜூ ஜார்ஜ், கருணாகரன், ஜெயராம் ஆகியோர் இப்படத்தில் முக்கிய முன்னனி கதாபாத்திரங்களில் நடித்துள்ளனர்.

படப்பிடிப்பு பணிகள் முடிந்த நிலையில் படத்தின் போஸ்ட் ப்ரொடக்ஷன் பணிகள் தீவிரமாக நடந்து வருகிறது.

திரைப்படத்தின் ரிலீஸ் தேதி குறித்த தகவல் வந்துள்ளது. திரைப்படம் 2025 ஆம் ஆண்டு ஏப்ரல் மாதம் 10 ஆம் தேதி வெளியாகும் என கூறப்பட்டுள்ளது.

இது குறித்து அதிகாரப்பூர்வ தகவல் விரைவில் வெளியாகும் என்பது குறிப்பிடத்தக்கது.

இதே நாளில் தனுஷ் இயக்கி நடித்துள்ள இட்லி கடை திரைப்படமும் வெளியாக இருக்கிறது என தகவல் வந்துள்ளது.