கபிஸ்தலம் அருகே வீட்டின் முன்பு விளையாடிய குழந்தை மீது லாரி மோதி பலி

கபிஸ்தலம் அருகே வீட்டின் முன்பு விளையாடிய குழந்தை மீது லாரி மோதி பலி,,, கபிஸ்தலம் அருகே உள்ள தியாக சமுத்திரம் ஊராட்சி, புள்ள பூதங்குடி மெயின் ரோட்டில் வசிப்பவர் ஐயப்பன் இவரது மனைவி காசியம்மாள் இவர்களுக்கு திருமணம் ஆகி 5 வருடம் ஆகிறது. இரண்டு பெண் குழந்தைகள் உள்ளன.

இவர்களது இளைய மகள் ராஜஸ்ரீ வயது ஒன்றரை, இவர் தனது வீட்டின் முன்புறம் மளிகை கடை நடத்தி வருகிறார். சம்பவத்தன்று இவரது இளைய மகள் ராஜஸ்ரீ வீட்டில் முன்புறம் விளையாடிக் கொண்டிருந்தார். அப்பொழுது கூனஞ்சேரியிலிருந்து சுவாமிமலை நோக்கி அதி வேகமாக சென்ற டிப்பர் லாரி எதிர்பாராத விதமாக குழந்தை ராஜஸ்ரீ மீது மோதியது.

இதில் தலையில் பலத்த காயமடைந்த குழந்தை ராஜஸ்ரீ ரத்த வெள்ளத்தில் மிதந்தார். உடனடியாக குழந்தையை அவரது தந்தை ஐயப்பன் மற்றும் அவரது மனைவி காசியம்மாள் ஆகியோர் இரண்டு சக்கர வாகனத்தில் சிகிச்சைக்காக கும்பகோணம் அரசு மருத்துவமனைக்கு அழைத்துச் சென்றனர்.

அங்கு சென்று மருத்துவரிடம் குழந்தையை காட்டிய பொழுது மருத்துவர் குழந்தை வரும் வழியிலேயே இறந்து விட்டதாக தெரிவித்தார். இதனால் அதிர்ச்சி அடைந்த அவரது தந்தை ஐயப்பன் இதுகுறித்து கபிஸ்தலம் காவல்நிலத்தில் புகார் செய்தார். புகாரின் பேரில் கபிஸ்தலம் போலீஸ் இன்ஸ்பெக்டர் மகாலட்சுமி மற்றும் போலீசார் வழக்கு பதிவு செய்து டிப்பர் லாரி ஒட்டி வந்த திருவிடைமருதூர் தாலுகா,

தேப்பெருமா நல்லூர், பெரியார் நகர், சிங்கு மகன் பிரசாத் வயது 52 என்பவரை கைது செய்து வழக்கு பதிவு செய்து விசாரணை நடத்தி வருகின்றனர்,,,,