பெரியகுளம் அருகே டிராக்டர் மீது அரசு பேருந்து மோதி விபத்து

தேனி மாவட்டம் பெரியகுளம் அருகே தேனி - திண்டுக்கல் சாலை தர்மலிங்கபுரம் பகுதியில் திண்டுக்கல்லை நோக்கி சென்ற அரசு பேருந்து சாலையோரம் நிறுத்தப்பட்ட டிராக்டர் மீது மோதி விபத்துக்குள்ளானதில் டிராக்டர் மற்றும் அரசு பேருந்து சாலையோர பள்ளத்தில் கவிழ்ந்தது விபத்துக்குள்ளானது.

இந்த விபத்தில் அரசு பேருந்து மற்றும் நடத்துனர் உட்பட 9 நபர்கள் மட்டுமே பயணித்த நிலையில், அனைவரும் படுகாயம் அடைந்தனர். உடனடியாக அங்கு வந்த தேவதானப்பட்டி காவல்துறையினர் விபத்தில் காயமடைந்த நபர்களை மீட்டு பெரியகுளம் அரசு மருத்துவமனைக்கு சிகிச்சைக்காக அனுப்பி வைத்தனர்.

மேலும் இந்த விபத்து குறித்து காவல்துறையினர் விசாரணை மேற்கொண்டதில் சாலையோரம் நிறுத்தப்பட்ட டிராக்டரின் பின்பக்கம் ஒளிரும் ஸ்டிக்கர்கள் ஒட்டப்படாமல் இருந்ததால் அரசு பேருந்து டிராக்டர் மீது மோதி விபத்துக்குள்ளானதாக காவல்துறையினர் தெரிவித்தனர்.

மேலும் விபத்து நடந்த இடத்தை பார்வையிட்ட பெரியகுளம் காவல்துறை துணை கண்காணிப்பாளர் நல்ல ஆய்வு மேற்கொண்டு ஒளிரும் ஸ்டிக்கர் ஒட்டப்படாமல் சாலை ஓரத்தில் நிறுத்தப்பட்டு இருந்த டிராக்டர் உரிமையாளர் மீதும் டிராக்டர் ஓட்டுநர் மீதும நடவடிக்கை எடுக்க உத்தரவிட்டுள்ளார்.