நாமக்கல் ராசிபுரத்தில் மீண்டும் எறிந்த நிலையில் பெண் சடலம் மீட்பு !!

நாமக்கல் மாவட்டம் ராசிபுரம் அருகே உள்ள கோனேரிப்பட்டி ஏரி அருகில் 40 வயது மதிப்புத்தக்க பெண் ஒருவர், உடல் பாதி எரிந்த நிலையில் சடலம் கிடந்துள்ளது. இதனைக் கண்ட அக்கம் பக்கத்தினர் ராசிபுரம் காவல் துறையினருக்கு தகவல் தெரிவித்துள்ளனர்.

தகவல் அறிந்து வந்த காவல் துறையினர் சடலத்தை கைப்பற்றி பிரேத பரிசோதனைக்காக ராசிபுரம் அரசு மருத்துவமனைக்கு அனுப்பி வைத்தனர். மேலும் இந்த பெண் யார் என்று விசாரணை மேற்கொண்டு வருகின்றனர்.

சடலமாக மீட்கப்பட்ட பெண் கொலை செய்து எரிக்கப்பட்டாரா அல்லது அப்பெண்ணே தீ வைத்துக் கொண்டாரா என காவல் துறையினர் விசாரணை நடத்தி வருகின்றனர். இந்த சம்பவம் அந்த பகுதியில் பெரும் அதிர்ச்சியை ஏற்படுத்தியுள்ளது.