மேட்டூர் காவிரி ஆற்றில் குதித்து வாலிபர் தற்கொலை.

சேலம் மாவட்டம்,மேட்டூர் திப்பம்பட்டி காவிரி ஆற்றில் வாலிபர் சடலம் மிதப்பதாக கருமலை கூடல் போலீசாருக்கு தகவல் கிடைத்தது. சம்பவ இடத்திற்கு சென்ற போலீசார் சடலத்தை கைப்பற்றி பிரேத பரிசோதனைக்காக மேட்டூர் அரசு மருத்துவமனைக்கு அனுப்பி வைத்து விசாரணை மேற்கொண்டனர். விசாரணையில் மேட்டூர் அருகே கோனூர் பகுதியை சேர்ந்த சசிராஜ்(23). இவர் திருப்பூரில் உள்ள பனியன் கம்பெனியில் டெய்லராக பணிபுரிந்து வந்தார். பெற்றோர்கள் திட்டியதால் மனம் உடைந்த சசிராஜ் திப்பம்பட்டி காவிரி ஆற்றில் குறித்து தற்கொலை செய்து கொண்டதாக போலீசார் தெரிவித்தனர். வாலிபர் தற்கொலை செய்து கொண்ட சம்பவம் அப்பகுதியில் பெரும் சோகத்தை ஏற்படுத்தி உள்ளது.