வேகமாக பரவும் 'மெட்ராஸ் ஐ'

திண்டுக்கல் மற்றும் சுற்றியுள்ள பகுதிகளில் பள்ளி மாணவர்கள், வயதானவர்கள் என பலரிடமும் 'மெட்ராஸ் ஐ' வேகமாக பரவி வருகிறது. தற்போது மழைசீசனை முன்னிட்டு அடிக்கடி மழை பெய்து வரும் நிலையில் குழந்தைகள், வயதானவர்களுக்கு காய்ச்சல் பரவுகிறது. சில நாட்களாக 'மெட்ராஸ் ஐ' பரவுவதால், பலரும் திண்டுக்கல் அரசு மருத்துவமனையில் அனுமதிக்கப்படுகின்றனர்.

பள்ளி,கல்லுாரி மாணவர்கள் மத்தியிலும் வேகமாக பரவி வருவதால் ரோட்டோரங்களில் சிலரை கண் கண்ணாடிகள் அணிந்தபடியே பார்க்க முடிகிறது. சிலர் வீடுகளிலே முடங்கி சிகிச்சை பெறுகின்றனர். கண்பிரிவு டாக்டர், சுனிதாபாபு கூறுகையில், 'மெட்ராஸ் ஐ' பாதிக்கப்பட்டவர்களுடன் மற்றவர்கள் நெருங்கக் கூடாது. இது காற்றில் பரவும் நோய் என்பதால் எப்போதும் கவனமாக இருக்க வேண்டும். அடிக்கடி கண்களை தண்ணீரில் கழுவி சுத்தப்படுத்தலாம்; கண் கண்ணாடி அணிந்து கொண்டு தனிமைப்படுத்தி கொள்ள வேண்டும்' என்றார்.