பேரை கேட்ட வுடனே நாவில் எச்சில் சொட்டும் கத்திரிக்காய் - மொச்சை பொரியல்

கத்திரிக்காயின்மருத்துவ பயன்கள்:

கத்திரிக்காய் நரம்புகளுக்கு வலுவூட்டவும், சளி, இருமலைக் குறைக்கவும் செய்கிறது.. முதல்கட்ட சிறுநீரகக் கற்களைக் கரைக்கும் வல்லமை பெற்றது. வாதநோய், ஆஸ்துமா, ஈரல் நோய்கள், கீல்வாதம், சளி, பித்தம், தொண்டைக்கட்டு, மலச்சிக்கல், கரகரப்பானகுரல், என பல் வகை பிரச்சனைகளை குணப்படுத்தும் காய்கறி.

மொச்சை கொட்டை உடலில் உள்ள கொழுப்புகளை குறைத்து கலோரிகளை எரிக்கும். மொச்சையில் நார்ச்சத்து உள்ளதால் சர்க்கரையின் அளவு கட்டுக்குள் இருக்கும் .இதனை பயனுள்ள இந்த பொறியலை எப்படி செய்வதென்று இந்த பதிவில் பார்க்கலாம்.

தேவையானவை:

பிஞ்சுக் கத்திரிக்காய் - கால் கிலோ,

பச்சை மொச்சை - 100 கிராம்,

நாட்டுப் பூண்டு - 4 பல் (நசுக்கவும்)

இஞ்சி - ஒரு துண்டு (சுத்தம் செய்து, நசுக்கவும்)

நறுக்கிய கொத்தமல்லித்தழை - சிறிதளவு,

சோம்பு (பெருஞ்சீரகம்) - அரை டீஸ்பூன்,

சின்ன வெங்காயம் - 10,

நாட்டுத் தக்காளி - 4,

நல்லெண்ணெய் - 3 டேபிள்ஸ்பூன்,

மஞ்சள்தூள், மிளகாய்த்தூள், உப்பு - தேவையான அளவு

செய்முறை:

கத்திரிக்காய், சின்ன வெங்காயம், நாட்டுத் தக்காளியை மீடியம் சைஸில் நறுக்கவும். பச்சைமொச்சையை வேகவைக்கவும். வாணலியில் 2 டேபிள்ஸ்பூன் எண்ணெயை சூடாக்கி, சோம்பு தாளிக்கவும். சோம்பு சிவந்த பின் நறுக்கிய வெங்காயம், தக்காளி சேர்க்கவும். பாதி வதங்கிய பின் நறுக்கிய கத்திரிப்பிஞ்சு சேர்த்து, நன்றாக வதக்கி... வேகவைத்த மொச்சை, அரை கப் நீர் விட்டுக் கிளறவும். எல்லாம் நன்கு சேர்ந்து உதிர்உதிராக ஆன பின் இறக்கவும். மீதமுள்ள எண்ணெயைக் காய்ச்சி... நசுக்கிய பூண்டு, இஞ்சி, உப்பு, மஞ்சள்தூள், மிளகாய்த்தூள் சேர்த்து நன்கு புரட்டி கத்திரி - மொச்சை கலவையில் சேர்த்துக் கலந்து... கொத்தமல்லித்தழை தூவி பரிமாறவும்.