இந்த மாதிரியான உணவு பொருட்களை சாப்பிட்டால் ஒற்றை தலைவலி வருமா ? தெரிஞ்சிகோங்க !

பாலாடைக்கட்டியில் அதிக அளவு கொழுப்பு சத்து நிறைந்திருப்பதால் ஒற்றைத் தலைவலி பிரச்சனை உள்ளவர்களுக்கு இது ஒவ்வாமையை ஏற்படுத்தி தலைவலியை தூண்டலாம்.

பொதுவாகவே பதப்படுத்தப்பட்ட உணவுகள் ஆரோக்கியத்திற்கு கேடு விளைவிப்பவை. குறிப்பாக ஒற்றைத் தலைவலி உள்ளவர்கள் இது போன்ற பதப்படுத்தப்பட்ட உணவுகளை உட்கொள்ளும் போது அவை தீவிர பாதிப்புகளை ஏற்படுத்துகிறது. இறைச்சிகளில் நைட்ரேட் அதிகமாக இருப்பதால் இது ஒற்றை தலைவலியை ஏற்படுத்துகிறது.

ஒற்றை தலையில் உள்ள பாதிப்பு உள்ளவர்கள் காபின் கலந்த உணவுகளை தவிர்ப்பது நல்லது.காபி, டீ போன்றவற்றை அதிகமாக அருந்துவதை தவிர்க்க வேண்டும். இந்த பானங்களில் உள்ள கஃபைன் என்ற மூலப்பொருள் தலைவலியை ஏற்படுத்தக்கூடியவை. இந்த காபி போன்ற பானங்களை அருந்தும்போது அது அந்த தலைவலியின் தீவிரத்தை அதிகரிக்க செய்யுமே தவிர குறைக்காது. கடைகளில் விற்கப்படும் ஜூஸ் போன்ற பானங்களையும் தவிர்க்க வேண்டும்.

ஒற்றை தலைவலி பாதிப்பு உள்ளவர்கள் சிட்ரஸ் பழங்களை தவிர்க்க வேண்டும். குறிப்பாக ஆரஞ்சு, திராட்சை, எலுமிச்சை போன்ற பழங்கள் தலைவலியை தூண்டக்கூடிய வகையாக உள்ளன. ஒற்றைத் தலைவலி பாதிப்பு உள்ளவர்கள் புளித்த உணவுகளை தவிர்ப்பது நல்லது. இதில் டயரமைன் என்ற வேதி போல் இருப்பதால் அது ஒற்றைத் தலைவலியை தூண்டக்கூடியவையாக உள்ளன.

ஆரோக்கியமற்ற துரித உணவுகள் நமது உடல் ஆரோக்கியத்திற்கு கேடு விளைவிப்பவை என்பதை அறிந்தும் நாம் அதை உட்கொள்கிறோம். குறிப்பாக ஒற்றைத் தலைவலி பிரச்சினை உள்ளவர்கள் இந்த உணவின் பக்கமே செல்லக்கூடாது. இந்த உணவில் மோனோ சோடியம் குளோபின் என்கிற ரசாயனம் சுவையை கூட்டுவதற்காக சேர்க்கப்படுவதாக கூறப்படுகிறது.

ஒற்றைத் தலைவலி பிரச்சினை உள்ளவர்கள் குளுட்டன் உள்ள உணவுகளை தவிர்க்க வேண்டும். குறிப்பாக கோதுமை, பார்லி, கம்பு போன்ற உணவுகளில் அதிக அளவு பசையும் உள்ளது. இது ஒரு வகையான புரத சத்து ஆகும். எனவே இது போன்ற உணவுகளை உட்கொண்ட பிறகும் உங்களுக்கு தலைவலி அதிகரிக்கிறது என்றால் அதனை தவிர்ப்பது நல்லது.

ஒற்றைத் தலைவலி பாதிப்பு உள்ளவர்கள் பாதாம், முந்திரி, சோயா, ஆளி விதைகள் போன்றவற்றை தவிர்ப்பது நல்லது. இவற்றில் உள்ள பண்புகள் ஒற்றை தலைவலியை தூண்டக்கூடியவையாக உள்ளன.சில நேரங்களில் பருப்பு வகைகள் கூட ஒற்றைத் தலைவலியை அதிகரிக்கக்கூடும்.

ஒற்றை தலைவலிக்கு மட்டுமல்லாது நமது ஒட்டுமொத்த ஆரோக்கியத்திற்கு கேடு விளைவிப்பது தான் இந்த மது மற்றும் புகைப்பழக்கம். குறிப்பாக ஒற்றைத் தலைவலி பிரச்சனை உள்ளவர்கள் இந்த மது மற்றும் புகைப்பழக்கம் காரணமாக ஒற்றைத் தலைவலியை அதிகமாக எதிர்கொள்கிறார்கள். சிவப்பு ஒயின், பீர் மற்றும் மற்ற மதுபானங்கள் ஒற்றைத் தலைவலியின் தன்மையை அதிகரிக்க கூடியவை.