திருப்பதி மலைப்பாதையில் இருந்து குதித்த பக்தரால் பரபரப்பு!!

திருமலையில் இருந்து திருப்பதிக்கு செல்லும் முதலாவது மலைப்பாதை சாலை மொக்கால மெட்டு அருகே அவ்வாச்சாரி கோனா பள்ளத்தாக்கில் இருந்து ஒரு பக்தர் குதித்தார். இதனை அவ்வழியாக நடந்து சென்ற பக்தர்கள் பார்த்து தேவஸ்தாக அதிகாரிகளுக்கு தகவல் தெரிவித்தனர். இந்த சம்பவம் பரபரப்பை ஏற்படுத்தியது. தகவல் தெரிந்தவுடன் சம்பவ இடத்திற்கு வந்த திருமலை போலீசார் மற்றும் தீயணைப்பு வீரர்கள் அந்த நபரைக் காப்பாற்ற முயன்றனர். பள்ளத்தாக்கு மிகவும் ஆழமாகவும் அடர்த்தியாகவும் இருந்ததாலும் தங்கள் உயிரைப் பணயம் பெரிய கயிறுகளின் உதவியுடன் பள்ளத்தாக்கிற்குள் சென்று, பின்னர் ஏணிகளை அமைத்து பள்ளத்தாக்கில் இறங்கினர். சிறிது தூரம் சென்ற பிறகு, குதித்த நபர் கண்டுபிடிக்கப்பட்டது. அந்த நபர் நடக்க முடியாததால், அவருக்கு கயிறுகளைக் கட்டி, ஸ்ட்ரெச்சர் பயன்படுத்தி பள்ளத்தாக்கிலிருந்து வெளியே கொண்டு வந்தனர். பின்னர் திருமலை அஸ்வனி மருத்துவமனைக்கு கொண்டு செல்லப்பட்டு சிகிச்சை அளிக்கப்பட்டு வருகிறது. அவரது தனிப்பட்ட விவரங்களைத் தெளிவாகக் கூற முடியாத நிலையில் அவர் தனது பெயர் ராயுடு என்றும் சில சமயங்களில் அல்லகட்டா, சில சமயங்களில் தாடிபத்ரி சொந்த ஊர் என்று கூறுகிறார். எனவே சிகிச்சைக்குப் பிறகு முழு விவரங்களையும் விசாரித்து உறவினர்களுக்கு தகவல் தெரிவிக்கப்படும் என திருமலை போலீசார் தெரிவித்தனர்.