இந்தியாவுக்கு வருகை தந்த வியட்நாம் பிரதமர் : மோடி வரவேற்பு!

இந்தியாவுக்கு அரசுமுறைப் பயணமாக வந்துள்ள வியட்நாம் பிரதமர் ஃபாம் மின் சின்ஹுக்கு பிரதமர் மோடி வரவேற்பு.

3 நாள் பயணமாக வந்துள்ள வியட்நாம் பிரதமர், பிரதமர் மோடியுடன் இன்று இருதரப்பு பேச்சுவார்த்தையில் ஈடுபடுகிறார்.

பாம் மின் சின்-ஐ வரவேற்ற பிரதமர் மோடி, அவரை கட்டியணைத்து அன்பை வெளிப்படுத்தினார். இதனை தொடர்ந்து ராணுவ அணிவகுப்பு மரியாதையை வியட்நாம் பிரதமர் பாம் மின் சின் ஏற்றுக் கொண்டார்.

இந்த நிகழ்ச்சியில் மத்திய அமைச்சர்கள் ஜெய்சங்கர், கிரண் ரிஜிஜு, அனுப்ரியா படேல், சர்பானந்தா சோனோவால் ஆகியோர் கலந்து கொண்டனர். இதனை அடுத்த பிரதமர் மோடி மற்றும் பாம்மின் சின் ஆகியோர் இரு நாடுகளின் பிரதிநிதிகளை சந்தித்தனர்.

இதனை தொடர்ந்து டெல்லி ராஜ்காட்டில் உள்ள மகாத்மா காந்தி நினைவிடத்தில் வியட்நாம் பிரதமர் பாம் மின் சின் மலர் தூவி மரியாதை செலுத்தினார்.