ஆசிரியருக்கு பாராட்டு விழா - ஈஸ்வரன் எம். எல்.ஏ பங்கேற்பு

திருச்செங்கோடு அக் 5 நாமக்கல் மாவட்டத்தில் கடந்த செப்டம்பர் 5ம் தேதி நல்லாசிரியர் விருது பெற்ற 9 பேரில் ஒருவரான திருச்செங்கோடு ஒன்றியம் விட்டம் பாளையம் அரசினர் மேல்நிலைப் பள்ளியில் பணியாற்றி வரும் சிவக்குமார் என்ற ஆசிரியருக்கு பாராட்டு விழா நடைபெற்றது. இவ்விழாவில்

திருச்செங்கோடு சட்டமன்ற உறுப்பினர் ஈஸ்வரன், வித்யா விகாஸ் கல்வி நிறுவனங்களின் தாளாளர் டி.ஓ.சிங்காரவேல் ஆகியோர் கலந்து கொண்டனர். நிகழ்ச்சிக்கு பள்ளியின் தலைமை ஆசிரியர் பாஸ்கரன் தலைமை வகித்தார். பெற்றோர் ஆசிரியர் கழகத் தலைவரும், 10வது வார்டு ஒன்றியக் குழு உறுப்பினருமான ஜெகநாதன் அனைவரையும் வரவேற்றார். நிகழ்ச்சியில் கொ.ம.தே.க தெற்கு ஒன்றிய செயலாளர் செல்வம், கிழக்கு ஒன்றியச் செயலாளர் சிக்கநாயக்கன் பாளையம் ஊராட்சித் தலைவர் கோபால் உள்ளிட்ட பலரும் கலந்து கொண்டனர். நிகழ்வை ஒட்டி 30 மாணவ மாணவிகளுக்கு நோட்டு புத்தகங்கள் வழங்கப்பட்டன. நிகழ்சியின் முடிவில் பாராட்டு பெற்ற ஆசிரியர் சிவக்குமார் ஏற்புரையாற்றினார்.