திமுக இளைஞர் அணி சார்பில் துண்டு பிரசுரம் விநியோகம்

சேலத்தில் வரும் டிசம்பர் மாதம் 17 ஆம் தேதி திமுக இளைஞர் அணி மாநில மாநாடு நடைபெற உள்ளது. திமுக இளைஞர் அணி செயலாளரும், இளைஞர் நலன் மற்றும் விளையாட்டு மேம்பாட்டு துறை அமைச்சருமான உதயநிதி ஸ்டாலின் தலைமையில் நடைபெற உள்ளது. இதில் தமிழகம் முழுவதும் லட்சக்கணக்கான இளைஞர் அணி அமைப்பாளர்கள் துணை அமைப்பாளர்கள் கலந்து கொள்ள உள்ளனர்.

நடைபெற உள்ள திமுக இளைஞரணி மாநில மாநாடு மற்றும் செயல் வீரர்கள் கூட்டம் குறித்த ஆலோசனைக் கூட்டம் நாமக்கல்லில் மாவட்ட திமுக கழகச் செயலாளரும், மாநிலங்களவை உறுப்பினருமான கே.ஆர்.என் இராஜேஸ்குமார் தலைமையில் நாமக்கல் நளா ஹோட்டலில் நடைபெற்றது.

இக்கூட்டத்தில் மாவட்ட இளைஞர் அணி அமைப்பாளர் சி.விஸ்வநாத், துணை அமைப்பாளர்கள் எம்பரர் வ இளம்பரிதி, எம்.கார்த்திக், கலைவாணன், ரமேஷ், பிரபாகரன் ஆகியோர் முன்னிலை வகித்தனர்.

கூட்டத்தில் நிறைவேற்றிய தீர்மானங்களின் படி, ராசிபுரம், வெண்ணந்தூர் ஒன்றியம் ஆகிய பகுதிகளில் மாவட்ட இளைஞர் அணிதுணை அமைப்பாளர் எம்.கார்த்திக் தலைமையில் துண்டு பிரசுரங்கள் வழங்கும் நிகழ்ச்சி நடைபெற்றது. அதன்படி வெண்ணந்தூர் ஒன்றியம், வெண்ணந்தூர் பேரூர், அத்தனூர் பேரூர் ஆகிய பகுதிகளில் இளைஞர் அணி மாநாடு குறித்த துண்டு பிரசுரங்கள் மற்றும் படிமம் வழங்கும் நிகழ்ச்சி நடைபெற்றது.

இந்நிகழ்ச்சியில் ஒன்றிய திமுக செயலாளர் ஆர்.எம்.துரைசாமி வெண்ணந்தூர் பேரூர் செயலாளர் ஆர்.எஸ்.எஸ்.ராஜேஷ், அத்தனூர் பேரூர் திமுக செயலாளர் கண்ணன் ஆகியோரை நாமக்கல் கிழக்கு மாவட்ட இளைஞர் அணி துணை அமைப்பாளர் எம்.கார்த்திக் தலைமையில், ஒன்றிய இளைஞர் அணி அமைப்பாளர் ரமேஷ் முன்னிலையில் ஒன்றிய இளைஞர் அணி நிர்வாகிகள் சந்தித்து மாநாடு குறித்த துண்டு பிரசுரங்கள் மற்றும் படிவங்களை வழங்கப்பட்டது.

இந்நிகழ்ச்சியில் ஒன்றிய துணை அமைப்பாளர்கள் அருள், வித்யாசாகர், தினேஷ், ராசிபுரம் நகர இளைஞரணி துணை அமைப்பாளர் பாண்டி உள்ளிட்ட பலர் கலந்து கொண்டனர்.