கோமாரி நோய் தடுப்பூசி முகாம்

தேசிய கால்நடைநோய் தடுப்பூசி திட்டத்தின் கீழ் கோமாரி நோய் தடுப்பூசி சிறப்பு முகாம் கடுகூர் ஊராட்சிக்குட்பட்ட தலையாரிகுடிக்காடு கிராமத்தில் இன்று நடைப்பெற்றது. இதில் 54 விவசாயிகள் தங்களுடையை 13 பசுங்கன்றுகள் உள்ளிட்ட 150 பசுமாடுகளுக்கு கோமாரி நோய் தடுப்பூசி செலுத்தி கொண்டனர்.

பின்னர் கோமாரி நோய் பற்றியும், அதனை தடுப்பதற்கான முறைகள் குறித்தும் எடுத்து கூறப்பட்டது. இந்த முகாமில் கடுகூர் கால்நடை மருத்துவர் குமார், கால்நடை பராமரிப்பு உதவியாளர் மாரிமுத்து மற்றும் தலையாரிகுடிக்காடு, பூமுடையான்பட்டி கிராம பொதுமக்கள், விவசாயிகள் ஏராளமானோர் கலந்து கொண்டனர்.