கட்டுமான பணிகளை தி.மு.க. மாவட்ட செயலர் நேரில் பார்வை

நாமக்கல் மாவட்டம் குமாரபாளையம் நகராட்சி பகுதியில் தார்சாலை, வாட்டர் டேங்க் , பொது கழிப்பிடம், குடிநீர் குழாய் அமைத்தல் உள்ளிட்ட பல்வேறு கட்டுமான பணிகள் நடைபெற்று வருகிறது. இதனை நாமக்கல் மேற்கு மாவட்ட தி.மு.க.செயலர் மதுரா செந்தில் நேரில் பார்வையிட்டு ஆலோசனை வழங்கினார்.

இதில் நகராட்சி தலைவரும், வடக்கு நகர செயலருமான விஜய்கண்ணன், நகராட்சி துணை தலைவர் வெங்கடேசன், நகர தெற்கு தி.மு.க. செயலர் ஞானசேகரன், கவுன்சிலர்கள் உள்பட பலர் உடனிருந்தனர்.

அம்மன் நகர் முதல் தேசிய நெடுஞ்சால இணைப்பு சாலைவரை உள்ள பகுதியில் நடைபெற்று வரும் மழைநீர் வடிகால் அமைக்கும் பணி மற்றும் தார் சாலை அமைக்கும் பணியை நேரில் பார்வையிட்டு பணிகளை துரிதப்படுத்த அறிவுறுத்தினார்.