சங்கரன்கோவில் கிளைச் சிறையில் விசாரணைக் கைதி தற்கொலை முயற்சி

தென்காசி மாவட்டம், திருவேங்கடம் அருகே உள்ள கரடிகுளத்தைச் சோ்ந்தவா் திருமலைக்குமாா் (35). இவா் சின்னகோவிலான்குளம் காவல் நிலையத்துக்குள்பட்ட பகுதியில் திருடியதாக கைது செய்யப்பட்டு சங்கரன்கோவில் கிளைச் சிறையில் அடைக்கப்பட்டாா். இந்நிலையில் வெள்ளிக்கிழமை கிளைச் சிறையில் உள்ள கைதி அறையில் அடைக்கப்பட்டிருந்த திருமலைக்குமாா் தான் உடுத்தியிருந்த லுங்கியால் தூக்கிட்டு தற்கொலை செய்ய முயன்றாராம். அங்கிருந்த மற்ற கைதிகள் சிறைக் காவலா்களுக்கு தகவல் தெரிவித்ததும், உடனே அவா்கள் விரைந்து சென்று திருமலைக் குமாரை மீட்டு சங்கரன்கோவில் அரசு மருத்துவமனையில் அனுமதித்தனா். இதுகுறித்து சங்கரன்கோவில் நகர போலீஸாா் வழக்குப் பதிந்து விசாரணை நடத்தி வருகின்றனா்.