மேட்டூரில் சிறப்பு மருத்துவ முகாம்.

சேலம் மாவட்டம்,மேட்டூர் அரசினர் மேல்நிலைப் பள்ளியில் முன்னாள் முதலமைச்சர் கலைஞர் மு.கருணாநிதியின் நூற்றாண்டு விழாவை முன்னிட்டு பன்னோக்கு சிறப்பு மருத்துவ முகாம் நடைபெற்றது. இதில் கலந்து கொண்ட பொதுமக்கள் அனைவருக்கும் மருத்துவ பரிசோதனை மற்றும் சிறப்பு மருத்துவ சிகிச்சை அளித்தல், நோய்களுக்காக பரிசோதனை மற்றும் உடல் நலம் குறித்த ஆலோசனை வழங்குதல், நோய் கண்டவர்களுக்கு உடனடியாக சிகிச்சை அளித்தல் ,அதிநவீன பரிசோதனை சாதனங்களால் நோய்களை கண்டறியும் முறை, அறுவை சிகிச்சை பிரிவு எலும்பு முறிவு மற்றும் மாற்றுத்திறனாளிகளின் மருத்துவ பிரிவு, காது, மூக்கு, தொண்டை ,பல் மற்றும் கண் மருத்துவம், குழந்தைகள் நலம் தடுப்பூசி பிரிவு, பொது மருத்துவ பிரிவு மற்றும் இருதய சிகிச்சை பிரிவு உள்ளிட்ட பல்வேறு நோய்களுக்கு சிகிச்சை அளிக்கப் பட்டு மருந்து மாத்திரைகள் வழங்கப்பட்டு,ஆலோசனைகள் தெரிவிக்கப்பட்டது. இந்நிகழ்ச்சியில் மேட்டூர் சட்டமன்ற உறுப்பினர் எஸ்.சதாசிவம், திமுக நகர செயலாளர் காசி விஸ்வநாதன், நகர் மன்ற தலைவர் சந்திரா, நகராட்சி கமிஷனர் நித்யா மருத்துவர் விமலா மற்றும் மக்கள் பிரதிநிதிகள் உள்ளாட்சி பிரதிநிதிகள் ஏராளமானோர் கலந்து கொண்டனர்.