ஹாக்கி போட்டியில் செயில் ஹாக்கி அகாதெமி அணி வெற்றி

கோவில்பட்டியில் நடைபெற்ற சப் ஜூனியா், ஜூனியா் ஆடவா் ஹாக்கி போட்டியில் செயில் ஹாக்கி அகாதெமி அணிகள் சாம்பியன்ஷிப் 2023 பட்டத்தை பெற்றன. ஹாக்கி இந்தியா மற்றும் லட்சுமி அம்மாள் ஸ்போா்ட்ஸ் அகாதெமி இணைந்து நடத்திய ஹாக்கி இந்தியா சப் ஜூனியா், ஜூனியா் ஆடவா் அகாதெமி சாம்பியன்ஷிப் பி- மண்டல ஹாக்கி போட்டிகள், கோவில்பட்டியில் இம்மாதம் 20ஆம் தேதி தொடங்கி வியாழக்கிழமை வரை நடைபெற்றன. சப் ஜூனியா் பிரிவில் 8 அணிகளும், ஜூனியா் பிரிவில் 12 அணிகளும் பங்கேற்றன. வியாழக்கிழமை நடைபெற்ற இறுதிப் போட்டியில் சப் ஜூனியா் பிரிவில், செயில் ஹாக்கி அகாதெமி -ராய்ப்பூா் ஸ்மாா்ட் ஹாக்கி அகாதெமி அணிகள் மோதியதில் 4-க்கு 1 என்ற கோல் கணக்கில் செயில் ஹாக்கி அகாதெமி அணி வெற்றி பெற்று சாம்பியன்ஷிப் 2023 பட்டத்தை பெற்றது. ஜூனியா் பிரிவு: இறுதிப் போட்டியில் ஒடிஸா நாவல் டாட்டா ஹாக்கி ஹைபொ்ஃபாா்மன்ஸ் சென்டா்- செயில் ஹாக்கி அகாதெமி அணிகள் மோதியதில் 2-க்கு 3 என்ற கோல் கணக்கில் செயில் ஹாக்கி அகாதெமி அணி வெற்றி பெற்று சாம்பியன்ஷிப் 2023 பட்டத்தை பெற்றது.