மாற்றுத்திறனாளி அலுவலர் தொழிற்பயிற்சி மையத்தில் ஆய்வு

கள்ளக்குறிச்சி அடுத்த க.மாமனந்தலில் உள்ள ஆதி மனவளர்ச்சி குன்றியோர் தொழிற் பயிற்சி மையத்தில், 42 மனவளர்ச்சி குன்றியோர் உள்ளனர். இங்கு அனுபவமிக்க ஆசிரியரைக் கொண்டு தையல், மேட் பின்னுதல் மற்றும் பேப்பர் பை உள்ளிட்ட பொருட்களை செய்வதற்கான பயிற்சி அளிக்கப்பட்டு வருகிறது.

இந்நிலையில், மனவளர்ச்சி குன்றியவர்களுக்கு அளிக்கப்பட்டு வரும் பயிற்சி குறித்து மாற்றுத்திறனாளி நல அலுவலர் சுப்ரமணி நேற்று ஆய்வு மேற்கொண்டார்.

மேலும், தொழிற்பயிற்சி மையத்தின் சுற்றுப்புற துாய்மை, அங்குள்ள நபர்களின் உடல்நலம், மழைக் காலத்தையொட்டி காய்ச்சல், சளி உள்ளிட்ட நோய்கள் ஏற்படாமல் இருக்க மேற்கொள்ளப்பட்டுள்ள முன்னெச்சரிக்கை நடவடிக்கை குறித்து கேட்டறிந்தார்.