முன்னாள் அமைச்சர் படத்திற்கு மரியாதை செலுத்திய எம்எல்ஏ

திருச்சி மாவட்ட திமுகவில் மாவட்ட செயலாளராகவும், வனத்துறை அமைச்சராகவும் பதவி வகித்து வந்தார் செல்வராஜ். இவர் உடல் நலக்குறைவால் காலமானார்.

இந்நிலையில் முன்னாள் வனத்துறை அமைச்சர் 5 ம் ஆண்டு நினைவு நாளை முன்னிட்டு அவருக்கு மரியாதை செலுத்தும் விதமாக மண்ணச்சநல்லூர் சட்டமன்ற அலுவலகத்தில் அவரது திருஉருவப்படம் அமைக்கப்பட்டது. தொடர்ந்து எம்எல்ஏ கதிரவன் அவரது திருஉருவப்படத்திற்கு மாலை அணிவித்து மலர் தூவி மரியாதை செலுத்தினார்.

இதனைத் தொடர்ந்து மண்ணச்சநல்லூர் ஒன்றியத்திற்குட்பட்ட திமுக நிர்வாகிகள் அவரது திரு உருவ படத்திற்கு மலர் தூவி மரியாதை செலுத்தினார்கள்.