தென்காசியில் தேர்தல் விழிப்புணர்வு நிகழ்ச்சி

தென்காசி மாவட்டத்தில் 100 சதவீதம் வாக்குப்பதிவு மற்றும் நேர்மையாக வாக்களித்தல் ஆகியவற்றை வலியுறுத்தி தேர்தல் விழிப்புணர்வு தூதுவர்களை கொண்டு ஸ்ரீ ராம் நல்லமணி யாதவா கல்லூரி, கொடிக்குறிச்சி, ஆய்க்குடியில் உள்ள ஜே.பி.கல்வியல் கல்லூரி, கொடிக்குறிச்சியில் உள்ள யூ.எஸ்.பி மகளிர் கலை மற்றும் அறிவியல் கல்லூரி, ஆய்க்குடியில் உள்ள ஜே.பி.கலை மற்றும் அறிவியல் கல்லூரி, கொடிக்குறிச்சியில் உள்ள யூ.எஸ்.பி கல்வியியல் கல்லூரி, குருவிகுளத்தில் உள்ள வளனார் கலை மற்றும் அறிவியல் கல்லூரி, சங்கரன்கோவிலில் உள்ள அரசு கலை மற்றும் அறிவியல் கல்லூரி போன்ற கல்லூரிகளில் தேர்தல் விழிப்புணர்வு தூதுவர்களான செல்வி.அபிதா, செல்வி.பெல்சியா, செல்வி.பேச்சியம்மாள் ஆகியோர்களை கொண்டு கல்லூரி மாணவ மாணவிகளுக்கு முதல்முறை வாக்காளர்களுக்கு தேர்தலில் வாக்களிப்பதன் முக்கியத்துவம் குறித்த விழிப்புணர்வு நிகழ்ச்சி நடைபெற்றது. தேர்தல் குறித்தும் விளக்கி கூறப்பட்டது. அனைத்து கல்லூரிகளிலும் 100% வாக்களிப்போம் என்று அனைத்து மாணவர்களும் உறுதிமொழி எடுத்துக் கொண்டனர். மாணவ, மாணவியர்களுக்கு தேர்தல் விழிப்பணர்வு துண்டு பிரதிகள் வழங்கப்பட்டது. இந்நிகழ்ச்சியில், கல்லூரி முதல்வர்கள், பேராசிரியர்கள், மாணவ மாணவியர்கள், மகளிர் திட்ட உதவி திட்ட அலுவலர், வட்டார இயக்க மேலாளர்கள், வட்டார ஒருங்கிணைப்பாளர்கள் ஆகியோர் கலந்து கொண்டனர்.