மேட்டூர் காவிரி ஆற்றில் மூழ்கி நெசவுத் தொழிலாளி பலி

சேலம் மாவட்டம்,ஓமலூர் தாராபுரத்தை சேர்ந்தவர் சக்திவேல் (55) நெசவுத் தொழிலாளி.

இன்று மாலை சக்திவேலும் அவரது நண்பர்கள் சிவசங்கரன் (50,)பச்சையப்பன் (45) ஆகியோரும் மேட்டூர் அருகே மேச்சேரி கூனாண்டியூர் காவிரியில் குளித்துவிட்டு மீன் சாப்பிட்டு செல்ல திட்டமிட்டு இன்று கூனாண்டியூர் வந்தனர்.

வந்தவர்கள் மீன் மற்றும் உணவு சமைக்க ஆர்டர் கொடுத்துவிட்டு காவிரியில் குளித்துக் கொண்டு மது அருந்தி உள்ளனர். .சிறிது தூரம் நீந்தி சென்ற பொழுது எதிர்பாராத விதமாக சக்திவேல் நீரில் மூழ்கினார் கரைக்கு வந்த சிவசங்கரனும்,

பச்சையப்பனும் அருகில் உள்ளவர்கள் உதவியுடன் தேடி பார்த்தனர். பின்னர் மேட்டூர் தீயணைப்பு படையினர் சம்பவ இடத்திற்கு வந்து சுமார் ஒரு மணி நேரம் தேடி சக்திவேலின் சடலத்தை மீட்டனர். இச்சம்பவம் தொடர்பாக மேச்சேரி போலீசார் வழக்கு பதிவு செய்து சடலத்தை பிரேத பரிசோதனைக்காக ஓமலூர் அரசு மருத்துவமனைக்கு அனுப்பி வைத்தனர்.