சேலம் அருகே ஆசிரியர் பயிற்சி நிறுவனத்தில் ஜன்னல், கதவு திருடியவர் கைது

சேலம் மாவட்டம் தம்மம்பட்டியில் தனியார் ஆசிரியர் பயிற்சி நிறுவனத்தில் ஜன்னல், மரக்கதவு திருட்டு போனது. இதுதொடர்பான புகாரின் பேரில் போலீசார் வழக்குப்பதிவு செய்து விசாரணை நடத்தி வந்தனர்.

இதற்கிடையே சந்தேகப்படும் வகையில் சுற்றி திரிந்த நபரை பிடித்து விசாரித்தனர். விசாரணையில் அந்த நபர், சேலம் நெத்திமேடு அபிராமி கார்டன் பகுதியை சேர்ந்த செல்வராஜ் மகன் அருள்செல்வன் (வயது 42) என்பது தெரிய வந்தது.

மேலும் அவரிடம் விசாரித்த போது ஆசிரியர் பயிற்சி நிறுவனத்தில கண்ணாடி ஜன்னல்கள், மரக்கதவுகள் திருடியது அருள்செல்வன் என்பது தெரிய வந்தது. அவரை போலீசார் கைது செய்து மேல் விசாரணை நடத்தினர்