தேய்பிறை அஷ்டமியை முன்னிட்டு கால பைரவருக்கு சிறப்பு பூஜை

பரமத்தி வேலூர் தாலுகா பாண்டமங்கலத்தில் அமைந்துள்ள புதிய காசி விஸ்வநாதர் கோயில் பைரவர்,கோப்பணம்பாளையம் மாசானி அம்மன் கோயில் கால பைரவர்,நன்செய் இடையாறு திருவேலீஸ்வரர் கோயில் பைரவர்,மாவுரெட்டி பீமேஸ்வர் கோயில் பைரவர்,பில்லூர் வீரட்டீஸ்வரர் கோயில் பைரவர் ஆகிய கோயில்களில் தேய்பிறை அஷ்டமியை முன்னிட்டு சிறப்பு பூஜை நடைபெற்றது. முன்னதாக சாமிக்கு பால்,நெய்,மஞ்சள்,திருமஞ்சல் மற்றும் திருநீறு உள்ளிட்ட வாசனை திரவியங்களில் அபிஷேகம் நடைபெற்றது. பின்னர் அலங்காரம் செய்யப்பட்டு பைரவருக்கு சிறப்பு தீபாராதனை நடைபெற்றது. இந்நிகழ்ச்சியில் சுற்றுவட்டார பகுதிகளை சேர்ந்த ஏராளமான பொதுமக்கள் கலந்து கொண்டு சிவாமி தரிசனம் செய்தனர். பட விளக்கம்: பாண்டமங்கலம் புதிய காசி விஸ்வநாதர் கோயில் பைரவர் சிறப்பு அலங்காரத்தில்.