மறுமலர்ச்சி திராவிட முன்னேற்றக் கழகத்தின் செயல் வீரர்கள் கூட்டம்

நாமக்கல் மேற்கு மாவட்ட மறுமலர்ச்சி திராவிட முன்னேற்றக் கழகத்தின் செயல்வீரர்கள் கூட்டம் திருச்செங்கோடு அண்ணா அன்பகத்தில் நடைபெற்றது. நிகழ்ச்சிக்கு மாவட்ட அவைத்தலைவர் ரவிச்சந்திரன் தலைமை தாங்கினார். நிகழ்வில் மாவட்ட கழகத்தின் செயலாளர் கே கே கணேசன் கலந்து கொண்டு உரையாற்றினார். கழகத்தின் 31ஆம் ஆண்டு துவக்க விழா மற்றும் திருச்சி நாடாளுமன்ற வேட்பாளர் முதன்மை செயலாளர் துரை வைகோ அவர்கள் பெற்ற மாபெரும் வெற்றியை கொண்டாடும் வகையில் கழகத்தின் கொடி ஏற்று விழா கழக கொள்கை விளக்க அணி செயலாளர் ஆ வந்தியத்தேவன் அவர்களை அழைத்து கொடி ஏற்றுவது எனவும் அது சமயம் நகர ஒன்றிய கழகச் செயலாளர்கள் அந்தந்த பகுதியில் கழகக் கொடியை ஏற்றுவதை சிறப்பாக ஏற்பாடு செய்வதெனவும் முடிவு செய்யப்பட்டது.மேலும் இளைஞர் அணி சார்பில் இரண்டு இடங்களில் கொடிக்கம்பங்கள் அமைத்த கொடியேற்ற வேண்டும் எனவும் முடிவு செய்யப்பட்டது. தொடர்ந்து நாமக்கல் மேற்கு மற்றும் கிழக்கு மாவட்ட மாணவர் அணி சார்பில் போராட்ட களங்களில் வைகோ என்னும் தலைப்பில் கல்லூரி மாணவர்களுக்கு இடையில் பேச்சு போட்டி நடத்துவது என்றும் முடிவு செய்யப்பட்டது