சேலம் கோட்டை மாரியம்மன் கோவில் ஆடி திருவிழா

சேலம் மாவட்ட கலெக்டர் பிருந்தாதேவி வெளியிட்டுள்ள செய்திக்குறிப்பில் கூறியிருப்பதாவது:- சேலம் கோட்டை மாரியம்மன் கோவில் திருவிழாவை முன்னிட்டு, மாவட்டத்தில் உள்ள அனைத்து அரசு அலுவலகங்கள், பள்ளி, கல்லூரிகளுக்கு அடுத்த மாதம் (ஆகஸ்டு) 7-ந்தேதி உள்ளூர் விடுமுறை அளிக்கப்படுகிறது. இந்த உள்ளூர் விடுமுறை, அரசு பாதுகாப்புக்கான அவசர அலுவல்கள் கவனிக்கும் பொருட்டு அன்றைய தினம் மாவட்ட கருவூலம் மற்றும் சார்நிலை கருவூலங்கள் குறிப்பிட்ட பணியாளர்களோடு செயல்படும். இந்த உள்ளூர் விடுமுறைக்கு பதிலாக, மாவட்டத்தில் உள்ள அனைத்து அரசு அலுவலகங்கள் மற்றும் பள்ளி கல்லூரிகள் ஆகஸ்டு மாதம் 31-ந் தேதி பணி நாளாக அறிவிக்கப்படுகிறது. அன்றைய தி்னம் அரசு அலுவலகங்கள், பள்ளி, கல்லூரிகள் செயல்படும். இவ்வாறு அதில் அவர் கூறியுள்ளார்.