பயணியர் நிழற்குடை இடியும் அபாயம்

சிவகங்கை மாவட்டம், இளையான்குடி அருகே சாலைக்கிராமத்திலிருந்து ஆனந்துார், ஆர்.எஸ்.மங்கலம், பரமக்குடி, ராமநாதபுரம், ராமேஸ்வரம், மானாமதுரை மற்றும் அருகிலுள்ள 50க்கும் மேற்பட்ட பகுதிகளுக்கு அரசு டவுன் பஸ் மற்றும் தனியார் பஸ்கள் சென்று வருகின்றன. நாள்தோறும் ஆயிரத்துக்கும் மேற்பட்ட பயணிகள் பயன்படுத்தி வருகின்ற நிலையில் இந்த பஸ் ஸ்டாண்ட் அருகிலுள்ள பயணியர் நிழற்குடை கட்டப்பட்டு நீண்ட காலம் ஆகிவிட்டதால் சுவர் இடிந்து விழுந்தவண்ணம் உள்ளது. இதனால் பயணிகள் அச்சத்திற்குள்ளாகி வருகின்றனர். மாவட்ட நிர்வாகத்திடம் பலமுறை தெரிவித்தும் இதுவரை எவ்வித நடவடிக்கையும் எடுக்கவில்லை என கூறப்படும் நிலையில். பயணிகள் நலன் கருதி பதிய கட்டிடம் கட்ட நடவடிக்கை எடுக்க வேண்டும் என்பதே அனைவரின் கோரிக்கையாக உள்ளது.