அன்னவாசல் காவல் நிலையத்திற்கு விருது

படவிளக்கம்: சென்னையில் நடைபெற்ற நிகழ்ச்சியில் சிறந்த காவல் நிலையத்துக்கான கேடயத்தை அன்னவாசல் காவல் நிலைய ஆய்வாளர் லதாவிடம் வழங்கிய டிஜிபி சங்கர் ஜிவால். விராலிமலை, புதுக்கோட்டை மாவட்டத்தில் சிறந்த காவல் நிலையமாக அன்னவாசல் காவல் நிலையம் தேர்வு செய்யப்பட்டு, சென்னையில் செவ்வாய்க்கிவமை நடைபெற்ற விழாவில் கேடயம் வழங்கி சிறப்பிக்கப்பட்டது. இந்தக் கேடயத்தை காவல் நிலைய ஆய்வாளர் லதாவிடம் டிஜிபி சங்கர் ஜிவால்வழங்கினார். மாநிலம் முழுவதும் உள்ள காவல் நிலையங்களில் மேம்பட்ட சேவையை மக்களுக்கு வழங்குவதை ஊக்கப்படுத்தும் வகையில், ஆண்டுதோறும் சிறப்பாக செயல்படும் காவல் நிலையங்கள் தேர்ந்தெடுக்கப்பட்டு, கேடயம் வழங்கி கௌரவிக்கப்படுகிறது.இதன்படி, கடந்த 2022-ஆம் ஆண்டுக்கான புதுக்கோட்டை மாவட்டத்தின் சிறந்த காவல் நிலையமாக அன்னவாசல் காவல் நிலையம் தேர்வு செய்யப்பட்டது. சிறந்த காவல் நிலையத்தை தேர்ந்தெடுக்க ஒரு குழுஅமைக்கப்பட்டு, காவல் நிலையங்களில் திறன் மேம்பாடு மற்றும் சேவை உள்ளிட்ட பல்வேறு அளவுகளின் அடிப்படையில் சிறந்த காவல் நிலையங்கள் கண்டறியப்பட்டு, தரவரிசைப் படுத்தி கேடயம் வழங்கப்படுகிறது என்பது குறிப்பிடத்தக்கது.