சேலத்தில் முதல் முறையாக ‘கன்டெய்னர் காவல் நிலையம்’

தமிழ்நாட்டில் உள்ள முக்கியமான நகரங்களிலும், டோல்கேட் உள்ளிட்ட இடங்களிலும் ‘கன்டெய்னர் போலீஸ் நிலையம்’ அமைக்கப்பட்டு இருக்கும். மாதிரி போலீஸ் நிலையமாக்கும் முயற்சியின் ஒரு பகுதியாக சேலம் மாநகரில் முதல் முறையாக கன்னங்குறிச்சி போலீஸ் நிலைய எல்கைக்கு உட்பட்ட கோரிமேடு பகுதியில் நிறுவுவதற்காக ‘கன்டெய்னர் போலீஸ் நிலையம்’ ஒன்று தயாராக உள்ளது. இந்த கன்டெய்னர் போலீஸ் நிலையமானது நவீன முறையில் அமைக்கப்பட்டுள்ளது. அதாவது முழுக்க முழுக்க குளிர்சாதன வசதியுடன், அங்கு பணியில் இருக்கும் போலீசாருக்கு ஓய்வு அறை, கழிப்பறை உள்ளிட்ட வசதிகள் அமைக்கப்பட்டு நவீன முறையில் காட்சி அளிக்கிறது.