கழுகுமலை அருகே ஆண் சடலம் மீட்பு!

தூத்துக்குடி மாவட்டம் கழுகுமலை-கோவில்பட்டி சாலையில் காலாங்கரைப்பட்டி பேருந்து நிறுத்தம் அருகே சுமாா் 45 வயது மதிக்கத்தக்க அடையாளம் தெரியாத ஆண் சடலம் கிடப்பதாக, கிராம நிா்வாக அலுவலா் லதா அளித்த புகாரின் பேரில் கழுகுமலை போலீஸாா் சென்று, சடலத்தைக் கைப்பற்றி கூறாய்வுக்காக கோவில்பட்டி அரசு மருத்துவமனைக்கு அனுப்பி வைத்தனா். அவா் கருப்பு வண்ண வேட்டி அணிந்திருந்தாா்; சட்டை அணியவில்லை. இதுகுறித்து கழுகுமலை போலீஸாா் கூறும்போது, வாகனம் மோதியதில் அந்த நபா் இறந்திருக்கலாம் எனத் தெரிவித்தனா்; மேலும், வழக்குப் பதிந்து விசாரித்து வருகின்றனா்.