சிறப்பாக செயல்பட்ட சேலம் அன்னதானப்பட்டி போலீஸ் நிலையத்துக்கு பரிசு

தமிழகம் முழுவதும் ஒவ்வொரு மாவட்டம் மற்றும் மண்டலங்கள் அளவில் சிறப்பாக செயல்படும் போலீஸ் நிலையங்களை தேர்வு செய்து அந்த நிலையத்துக்கு போலீஸ் டி.ஜி.பி. சங்கர் ஜிவால் சிறப்பு கேடயம் வழங்கி கவுரவித்து வருகிறார். முதல்-அமைச்சர் மு.க.ஸ்டாலின் ஆணைக்கிணங்க இந்த பரிசு வழங்கப்பட்டு வருகின்றன. அந்த வகையில் சென்னை உள்ளிட்ட அனைத்து போலீஸ் கமிஷனரகங்களிலும் சிறப்பாக செயல்பட்ட போலீஸ் நிலையங்கள் தேர்வு செய்யப்பட்டு பரிசுகள் வழங்கப்பட்டுள்ளன. சேலத்தில் அன்னதானப்பட்டி போலீஸ் நிலையம் இந்த பரிசு பட்டியலுக்கு தேர்வானது. இந்த நிலையில் மேற்கண்ட போலீஸ் நிலையங்களில் பணியாற்றும் இன்ஸ்பெக்டர்களை நேரில் தனது அலுவலகத்துக்கு வரவழைத்து டி.ஜி.பி. சங்கர் ஜிவால் சிறப்பு கேடயங்களை பரிசாக வழங்கி பாராட்டு தெரிவித்தார்.