சேலம் வழியாக செல்லும் கோவை- பகத் கி கோத்தி வாராந்திர சிறப்பு ரெயில் சேவை நீடிப்பு

கோவையில் இருந்து திருப்பூர், ஈரோடு, சேலம், ஜோலார்பேட்டை வழியாக ராஜஸ்தான் மாநிலம் பகத் கி கோத்தி ரெயில் நிலையத்துக்கு வாராந்திர சிறப்பு ரெயில் இயக்கப்படுகிறது. இந்த ரெயிலின் சேவை செப்டம்பர் மாதம் வரை நீட்டிப்பு செய்து ரெயில்வே நிர்வாகம் அறிவிப்பு வெளியிட்டுள்ளது. அதன்படி கோவை - பகத் கி கோத்தி வாராந்திர சிறப்பு ரெயில் (வண்டி எண்-06181) நாளை (வியாழக்கிழமை) முதல் செப்டம்பர் மாதம் 26-ந் தேதி வரை நீட்டிக்கப்பட்டுள்ளது. இதேபோல் மறு மார்க்கத்தில் இயக்கப்படும் பகத் கி கோத்தி - கோவை வாராந்திர சிறப்பு ரெயில் (வண்டி எண்-06182) வருகிற 4-ந் தேதி முதல் செப்டம்பர் மாதம் 29-ந் தேதி வரை நீட்டிக்கப்பட்டுள்ளது. இந்த தகவல் சேலம் ரெயில்வே கோட்ட அலுவலக செய்திக்குறிப்பில் தெரிவிக்கப்பட்டு உள்ளது.