புதுக்கோட்டையில் நாளை மக்களுடன் முதல்வர் திட்டம் முகாம்!

புதுக்கோட்டை மாவட்டத்தில் ஆக. 2-ஆம் தேதி வெள்ளிக்கிழமை 3 இடங்களில் மக்களுடன் முதல்வர் திட்ட முகாம் நடைபெறவுள்ளது. இதுகுறித்து மாவட்ட ஆட்சியர் மு. அருணா கூறியது: அரிமளம் ஊராட்சி ஒன்றியம், நெடுங்குடி கைலாசபுரம் சமுதாயக் கூடத்தில் நடைபெறும் முகாமில், கே.செட்டிப்பட்டி, கடியாப்பட்டி, ஆயிங்குடி, கண்ணன்காரக்குடி, மேலநிலைவயல், நெடுங்குடி, நல்லம்பாள் சமுத்திரம், கே. ராயபுரம், கல்லூர் ஆகிய ஊராட்சிகளைச் சேர்ந்த மக்கள் பங்கேற்கலாம் மணமேல்குடி ஊராட்சி ஒன்றியம், கட்டுமாவடி பிஎம்எஸ் திருமண மண்டபத்தில் நடைபெறும் முகாமில், பிராமணவயல், இடையாத்திமங்கலம், இடையாத்தூர், காரக்கோட்டை, கட்டுமாவடி, நிலையூர், தண்டலை, கிருஷ்ணாஜிபட்டினம், திணையாக்குடி ஆகிய ஊராட்சிகளைச் சேர்ந்த மக்கள் பங்கேற்கலாம். அன்னவாசல் ஊராட்சி ஒன்றியம், கிளிக்குடி சமுதாயக் கூடத்தில் நடைபெறும் முகாமில், பரம்பூர், கதவம்பட்டி, தளிஞ்சி, குடுமியான்மலை, கிளிக்குடி, புல்வயல் ஆகிய ஊராட்சிகளை சேர்ந்த மக்களும் பங்கேற்கலாம் பொதுமக்கள் தங்கள் பகுதிகளில் நடைபெறும் முகாமில் கலந்து கொண்டு குறைகளைத் தெரிவித்து பயன்பெறலாம் என்றார் அருணா.