குரும்பலூர் ஏரி வரத்து வாய்க்கால் தூர்வாரப்பட்டுள்ளதை மாவட்ட கண்காணிப்பு அலுவலர் ஆய்வு

நீர்வளத் துறையின் மூலமாக ரூ. 8 லட்சம் மதிப்பீட்டில் 2.கி.மீ தூரம் குரும்பலூர் ஏரி வரத்து வாய்க்கால் தூர்வாரப்பட்டுள்ளதை மாவட்ட கண்காணிப்பு அலுவலர் அனில் மேஷ்ராம் மாவட்ட ஆட்சித்தலைவர் கிரேஸ் பச்சாவ் முன்னிலையில் பார்வையிட்டு ஆய்வு செய்தார். இப்பணியின் மூலமாக லாடபுரம் சிறிய ஏரி, மேலப்புலியூர் ஏரி மற்றும் காட்டுவாரியின் மூலம் குரும்பலூர் ஏரிக்கு தண்ணீர் வரும். இதனால் இப்பகுதியில் உள்ள விவசாயிகள் பயன்பெறுவார்கள் என்பது குறிப்பிடத்தக்கது. இந்நிகழ்வுகளில், மாவட்ட வருவாய் அலுவலர் வடிவேல் பிரபு, சார் ஆட்சியர் கோகுல் நீர்வள ஆதாரத்துறை உதவிப்பொறியாளர்கள் கமலக்கண்ணன், தினகரன், பெரம்பலூர் வட்டாட்சியர் சரவணன், மாவட்ட ஆட்சியர் அலுவலக மேலாளர் சிவா, கனிமவளத்துறை உதவி இயக்குநர் பெர்னாட், ஊரக வளர்ச்சித் துறை உதவி செயற்பொறியாளர் ஜெகன் ஆரா உள்ளிட்ட பலர் கலந்து கொண்டனர்.