இளம்பெண்களை வைத்து விபசாரம் நடத்திய புரோக்கர் கைது

சேலம் ஜாகீர் அம்மாபாளையம் பகுதியில் உள்ள ஒரு வீட்டில் இளம்பெண்களை வைத்து விபசாரம் நடப்பதாக சூரமங்கலம் போலீசாருக்கு ரகசிய தகவல் கிடைத்தது. அதன்பேரில் போலீசார் அந்த வீட்டுக்குள் அதிரடியாக நுழைந்தனர். அப்போது அங்கிருந்த சிலர் ஓட்டம் பிடித்தனர். இதையடுத்து வீட்டில் இருந்த 4 இளம்பெண்களை மீட்ட போலீசார் அவர்களிடம் விசாரணை நடத்தினர். அதில் அக்குபஞ்சர் சிகிச்சை அளிப்பதாக அப்பகுதியில் வீடு எடுத்து வெளிமாநில பெண்களை அழைத்து வந்து விபசாரம் நடத்தி வந்தது தெரியவந்தது. இதனை தொடர்ந்து புரோக்கர் முனுசாமி என்பவரை போலீசார் கைது செய்தனர். மேலும் தப்பி ஓடிய 3 பேரை போலீசார் வலைவீசி தேடி வருகின்றனர். இதற்கிடையே மீட்கப்பட்ட இளம்பெண்களை போலீசார் காப்பகத்திற்கு அனுப்பி வைத்தனர்.