கரூரில் மறைந்த தலைவர்களுக்கு வீர வணக்கம் செலுத்திய நாம் தமிழர் கட்சியினர்.

கரூரில் மறைந்த தலைவர்களுக்கு வீர வணக்கம் செலுத்திய நாம் தமிழர் கட்சியினர். கடையேழு வள்ளல்களில் ஒருவரான வல்வில் ஓரி, சுதந்திர போராட்ட வீரர் மாவீரன் தீரன் சின்னமலை, மாவீரன் கருப்பு சேர்வை, மாவீரன் பொல்லான் உள்ளிட்ட தலைவர்களுக்கு நாம் தமிழர் கட்சியின் கரூர் மேற்கு மாவட்ட செயலாளர் வழக்கறிஞர் நன்மாறன் தலைமையில், கரூர் ஜவஹர் பஜார் பகுதியில் உள்ள காமராஜர் சிலை முன்பு அமைக்கப்பட்ட திருஉருவப்படங்களுக்கு மலர் மாலை அணிவித்து மலர்கள் தூவி மரியாதை செலுத்தினர். மறைந்த தலைவர்களுக்கு இரண்டு நிமிடம் மௌன அஞ்சலி செலுத்திய பிறகு, அனைவரும் மறைந்த தலைவர்களின் வாழ்வை பின்பற்றி நடப்போம் என உறுதிமொழி ஏற்றனர். இதனைத் தொடர்ந்து மறைந்த தலைவர்களை வாழ்த்தி வீரவணக்க கோஷங்களை எழுப்பினர். இந்த நிகழ்ச்சியில் மாவட்ட பொருளாளர் துரைராஜ், கரூர் சட்டமன்ற தொகுதி பொறுப்பாளர் செங்குட்டுவன், கிருஷ்ணராயபுரம் முனியப்பன் உள்ளிட்ட கட்சி நிர்வாகிகள் கலந்து கொண்டு நிகழ்ச்சியை சிறப்பித்தனர்.