சேலத்தில் கொங்கு வேளாளக்கவுண்டர்கள் சங்கம் சார்பில்

சேலத்தில் கொங்கு வேளாளக்கவுண்டர்கள் சங்கம் சார்பில் சுதந்திர போராட்ட வீரர் தியாகி தீரன் சின்னமலையின் 219-வது நினைவு தினம் நேற்று அனுசரிக்கப்பட்டது. இதையொட்டி சேலம் குரங்குச்சாவடி பகுதியில் அலங்கரித்து வைக்கப்பட்டிருந்த அவரது உருவப்படத்திற்கு கொங்கு வேளாளக்கவுண்டர்கள் சங்கம் சார்பில் அதன் ஒருங்கிணைப்பாளர் சுகுமார் தலைமையில் மலர் தூவி அஞ்சலி செலுத்தப்பட்டது. நிகழ்ச்சியில் ஒருங்கிணைப்பாளர்கள் ஜெயபால், தியாகு, ரமேஷ் உள்பட 250-க்கும் மேற்பட்டோர் கலந்து கொண்டனர். இதை தொடர்ந்து தீரன் சின்னமலையின் வீரம், தியாகத்தை போற்றும் வகையில் அவருக்கு புகழஞ்சலி செலுத்தப்பட்டது. இதையடுத்து சங்ககிரியில் உள்ள தியாகி வீரன் சின்னமலையின் நினைவு தூண் அமைவிடம் பகுதியிலும், ஓடா நிலையில் உள்ள அவரது உருவச்சிலைக்கும் கொங்கு வேளாளக் கவுண்டர்கள் சங்கம் சார்பில் மாலை அணிவித்து அஞ்சலி செலுத்தப்பட்டது. இந்த நிகழ்ச்சிகளிலும் கொங்கு அமைப்புகளை சேர்ந்த ஏராளமானோர் கலந்து கொண்டனர்.