உலக தாய்ப்பால் தினத்தையொட்டி மாரத்தான் போட்டி

உலக தாய்ப்பால் தினத்தை யொட்டி சேலம் மெய்யனூர் இட்டேரி சாலையில் உள்ள ராமலிங்கம் மருத்துவமனை சார்பில் மாரத்தான் போட்டி நடந்தது. மருத்துவமனை நிர்வாக இயக்குனர் டாக்டர்கள் ராமலிங்கம், மரகதம் ஆகியோர் தலைமை தாங்கினர். குழந்தைகளுக்கான சிறப்பு டாக்டர் ரேஷ்மி, டாக்டர்கள் சிவகுமார், செந்தில்குமார், சசிஆனந்த் ஆகியோர் முன்னிலை வகித்தனர். மாரத்தான் போட்டி 2 கிலோ மீட்டர் மற்றும் 5 கிலோ மீட்டர் என 2 பிரிவாக நடத்தப்பட்டது. உதவி கலெக்டர் அபிநயா கலந்து கொண்டு மாரத்தான் போட்டியை தொடங்கி வைத்தார். இதில் 500-க்கும் மேற்பட்டவர்கள் கலந்து கொண்டனர். வெற்றி பெற்றவர்களுக்கு பரிசுகள் வழங்கி பாராட்டு தெரிவிக்கப்பட்டது. இதில் டாக்டர்கள், ஊழியர்கள், பொதுமக்கள் உள்பட பலர் கலந்து கொண்டனர்.