சர்வதேச கராத்தே போட்டியில் தங்கம் வென்ற சேலம் மாணவர்

கொல்கத்தாவில் சர்வதேச அளவிலான கராத்தே (குமித்தே) போட்டி நடைபெற்றது. போட்டியில் 10 நாடுகளில் இருந்து கராத்தே வீரர்கள் பங்கேற்றனர். இதில் சேலம் சூடன் ஸ்போர்ட்ஸ் கராத்தே அகாடமியில் பயிற்சியாளர் ஆதித்யன் வி.சங்கரிடம் பயிற்சி பெற்ற சேலம் மாணவர் ஏ.தர்ஷன் கலந்து கொண்டார். அவர் கராத்தே குமித்தே பிரிவு போட்டியில் வெற்றி பெற்று தங்கப்பதக்கம் வென்று சாதனை படைத்தார். தமிழ்நாட்டிற்கு பெருமை சேர்த்த மாணவர் தர்ஷன் மற்றும் பயிற்சியாளர் ஆதித்யன் வி.சங்கர் ஆகியோரை ஜே.என் கலைமணி மாஸ்டர், சேலம் மாவட்ட கராத்தே அசோசியேஷன் தலைவர் சீனிவாசன், செயலாளர் செண்பகராஜ் ஆகியோர் பாராட்டி வாழ்த்து தெரிவித்தனர்.