வேன் மோதி முதியவர் பலி: டிரைவர் கைது!

தூத்துக்குடி அருகே சாலையில் நடந்து சென்ற முதியவர் வேன் மோதி பரிதாபமாக இறந்தார். தூத்துக்குடி அருகே உள்ள புதுக்கோட்டை ராஜீவ் நகரைச் சேர்ந்தவர் சுப்பிரமணியன் மகன் ஆறுமுகம் (63), இவர் அப்பகுதியில் நடந்து சென்று கொண்டிருந்தபோது தூத்துக்குடியில் இருந்து சென்ற மகேந்திரா வேன் அவர் மீது மோதியது. இதில் பலத்த காயம் அடைந்த ஆறுமுகம் சம்பவ இடத்திலேயே பரிதாபமாக இறந்தார். இந்த சம்பவம் குறித்து தகவல் அறிந்து, புதுக்கோட்டை இன்ஸ்பெக்டர் வனசுந்தர் சம்பவ இடத்துக்கு சென்று ஆறுமுகம் உடலை மீட்டு பரிசோதனைக்கு அனுப்பி வைத்தார். மேலும் இது தொடர்பாக வழக்குப் பதிந்து, வேனை ஓட்டி வந்த முத்தையாபுரம் வடக்கு தெருவை சேர்ந்த பிச்சையா மகன் சாமுவேல்ராஜ் (45) என்பவரை கைது செய்து விசாரணை நடத்தி வருகிறார்..